Kisan Mobile Advisory Service

KVK Mokokchung is providing location specific advisory service on agri and allied activities in both local and english dialets through short messaging Service to all registered farmers, so far 350 registered farmers are availing this facility. Registration is free for all interested farmers of Mokokchung district and can be done by sending an e-mail to This email address is being protected from spambots. You need JavaScript enabled to view it. / This email address is being protected from spambots. You need JavaScript enabled to view it. or sending a sms in the following numbers-9402343069/ 9615747236, 9436604002.

Tzula mol (vermi compost) yangluba inyakyim aser amshiyim

Tzüla ajanga süngolio teindoktsü agi tagitsü nüngdak lemang jenti inyaktsü sayur. Süngolio aser sorochokdang teindoktsü ajak tzüla teyari ajanga mol yanglutsü aser iba mol yagi süngdong lidong, süngjang lu aser aonsotsü lu nung teyari tulu agütsür. England aser America lima nung iba sendong ya kanga nungtoko süa inyakdar. Saka India nung nüburtem aikati junga memetetba ajanga ano kangabo mamshir. Anungji iba tezüluba ajanga asen lima tzüla mol tali tejangraba nung inyakteptsü teimla lir.

Tzüla mol atema inyakyim

Iba mol yangluba yimya aser mapa ya kanga temela aser ajaki inyaktetba mapa lir. Nüngtak osettemji-sünglio, ai, somomo tu aser tedong, sorochok dang teindoktsü jana, nashi sü etc. Süngo tu temerang e.g. Encolptus tu, teak tu, Citronella mesüra teronem aketba süngdong mamshitsü.

 Inyakyim ( Vermi Pit Preparation)

1.Ali tema temedem nung süngden ama tasazük-meton 2 m lenden 1 m tarok 1 m (L-2mB-1m h – 1 m) lung aser cement agi yanglutsü (Cement & Bricks)

2.Iba süngden nungji tamasa lungsang 5 cm tashi inoktsü

3.Iba sülen monü 30 cm tashi inoktsü

4.Iba sülen ali tajung 5 cm nung inoktsü

5.Iba tema nung nashi sü tamen (tajem masü) 20 – 30 cm inoktsü. Iba ya tzüla atema chiyongtsü lir.

6.Iba sülen tzüla 500 – 600 nos inoktsü. Iba tzüla ya asen lima anguba dang nungi tilaba lir aser iba ya Soil Office – SARS Yisemyong nung agütsür.

7.Iba tema nungji süngolio etc. anük anüka alangsar 30 -40 cm tashi inoka bosta agi jungjunga nembangtsü.

8.Itemji teti metena alitsü ashohi tzü agütsütsü

9.Meja nung kümzüktsü ashohi süngden meketa nala yanglur tzü yoktsü.

10.Iba süngden kilem sübanger ayutsü.

Mol Aruba (Harvesting)

Mol süngden renemer ita ana mesüra asem tashi nungbo iba ya amentsü. Süngden nungi mol aser tzüla ajak agiteta, mol o tzüla na lemdangtsü. Tzülaji tanga süngden nung mol tasen yanglutsü atema yoktsü. Agiteta aliba molji Wai amshia shimmer süngsang aser mol mekümi aliba jana ano tasenba süngden nung yoktsü aser molji kg. ka ka polyten nung seper aküm nung ayutsü aser nüngdak dang amshitsü. Tejangja metetnüra aser merangnüra District Soil Conservation Office aser SARS Yisemyong nung arua metetpelatsü.

Mol Amshiyim

1.Süngjang lijang lu nung iba mol aser nashi sü kasasa meyokteber süngdong nungi 15 cm – 30 cm pilar iba meketa tarok nung 30 – 60 cm ali tua (Depend on size of the plant) iba temeyoktep mol inoktsü. Iba tema nungji ali agi apu apua nembanger süngolio jana agi nembangtsü aser tzü agütsütsü. Iba mapa ya küm nung ken naro apungtsü mapang nung inoktsü. Tedong shia 200 gm shi enoktsü

2.Alu nung tejang atangtsü anasa mapang nung 2 – 2.5 tones/ha yoktsü. Iba yabo mol peria madoktetba yong tasak akümer

3.Atsü nung sonsotsü tedong nung 2-3 inch pilar iba meketa tarok yanglua tedong shia 50 gm shi yoker ali agi nembanga youtsütsü. Iba kasaji naro pot nung amshitsü akok.

Tzüla mol ya aluyimer asoshi tajangzük aketba mapa lir kechiaser iba ya sen aser nebu tera indoker jenjang aketba oset yanglutetba mapa ka lir. Company mol (Chemical fertilizer) amshiba ya sen jenjang tulu lir aser ibai amshiba ajanga tarutsü ali atema lendong bener arur.

Tzüla mol amshia alu ayimba (Organic farming) yagi dang pei peria adoktsüba lemang lir  aser ibai amshiba ajanga tarutsü atema ali nung kechia lendong magütsür, ali nung tzü tali itshir aser mopongsem merüktsür.

 

Success Stories

Cultivation of off season cucumber

Cultivation of off season cucumberCucumber has been traditionally cultivated by Naga farmers in their jhum fields as a mixed crop during the Kharif season (April to August). It is one of the important component crops in the Jhum field and the harvest is used, mostly for household consumption and sometimes sold at the local market. Kharif crops of cucumber are harvested during...


Read more...